Domino onlayn: do'stlar bilan o'ynang
Hovlidagi o'sha domino, endi telefoningizda: toshlarni zanjirga ulang, bozordan oling va birinchi bo'lib qo'lingizni bo'shating. Havolani do'stlaringizga yuboring va bir daqiqada o'ynang.
Jamshid domino qildi! 🎉
Qanday o'ynaladi
- 1Toshlar
28 ta tosh (0–0 dan 6–6 gacha), har kimga 7 tadan. Qolgani bozorga qo'yiladi; 4 kishi o'ynasa, bozor bo'lmaydi.
- 2Kim boshlaydi
Birinchi raundni eng katta dubl (6–6, bo'lmasa 5–5…) egasi o'sha dubl bilan boshlaydi. Keyingi raundlarni oldingi raund g'olibi istalgan tosh bilan boshlaydi.
- 3Yurish
Navbat bilan zanjirning ikki uchidan biriga mos tosh qo'yiladi: tosh yarmidagi raqam uchdagi raqamga teng bo'lishi kerak. Dubllar zanjirga ko'ndalang qo'yiladi.
- 4Bozor va blok
Mos tosh bo'lmasa, «bozor bilan» o'yinda bozordan mos tosh chiqquncha olasiz. «Bozorsiz» (blok) o'yinda va bozor tugaganda yurish o'tkazib yuboriladi.
- 5Raund oxiri
Toshlarini birinchi tugatgan o'yinchi raqiblar qo'lida qolgan ochkolarni oladi. Hech kim yura olmasa, bu «baliq»: qo'lida eng kam ochko qolgan yutadi.
- 6101 ochko
Stol yaratishda bitta raund yoki 101 ochkogacha o'yinni tanlaysiz. 101 da raundlar birinchi bo'lib 101 ochko to'plagan g'olib bo'lguncha davom etadi.
Toshlar aralashtirilgan, faqat do'stlar kerak: stol yarating va havolani yuboring.
Ko'p beriladigan savollar
Do'stlarim bilan onlayn domino qanday o'ynayman?
«Domino o'ynash» tugmasini bosing, turini (bozor bilan yoki bozorsiz), o'yin uzunligini va yurish vaqtini tanlang. Havolani yoki 4 xonali stol kodini do'stlaringizga yuboring: ular havolani ochadi yoki davradosh.uz/join sahifasida kodni kiritadi.
Necha kishi o'ynashi mumkin?
Bir stolda 2 dan 4 kishigacha. Stol to'lgandan keyin kelganlar o'yinni tomosha qiladi.
Bozor nima?
Tarqatilgandan keyin qolgan toshlar. Mos toshingiz bo'lmasa, bozordan bittadan olasiz, mos tosh chiqqanda uni qo'yasiz. Bozorsiz (blok) o'yinda bunday imkon yo'q: yurish o'tkazib yuboriladi.
«Baliq» nima?
Zanjirning ikki uchiga hech kim tosh qo'ya olmay qolgan holat. Shunda hamma qo'lidagi ochkolarni sanaydi, eng kam ochko qolgan o'yinchi yutadi. Eng kam ochko teng bo'lsa, raund durang.
Ro'yxatdan o'tish kerakmi?
Yo'q. O'yin bepul va brauzerda ishlaydi, faqat ismingizni yozasiz. Telefonda ham, kompyuterda ham o'ynash mumkin. Xohlasangiz, mikrofon va kamerani yoqib gaplashib o'ynaysiz.