Monopoliya onlayn: do'stlar bilan o'ynang
Registon, Chorsu, Toshkent City: mulk sotib oling, uy va mehmonxonalar quring, do'stlaringiz bilan savdolashing va ularni bankrot qiling. Havolani yuboring va bir daqiqada o'ynang.
MONOPOLIYA
🎲 6 + 6
Malika Bibixonimga tushdi: 800 mln ijara! 💸
Qanday o'ynaladi
- 1Boshlanish
Har kimga 1 500 mln so'm. Hamma Startdan boshlaydi va navbat bilan ikkita zar tashlab, soat yo'nalishida yuradi. Startdan har o'tganda 200 mln olasiz.
- 2Mulk sotib olish
Hech kimga tegishli bo'lmagan mulkka tushsangiz, uni sotib olasiz yoki auksionga qo'yasiz. Auksionda hamma, siz ham, taklif beradi. Eng ko'p bergan oladi.
- 3Ijara
Boshqa o'yinchining mulkiga tushsangiz, unga ijara to'laysiz. Bir rangdagi hamma mulk bir kishiniki bo'lsa, ijara ikki baravar. Vokzal va kommunal xizmatlar soniga qarab qimmatlashadi.
- 4Uy va mehmonxona
Bir rangdagi hamma mulkni yig'sangiz, ularga teng-teng uy qurasiz: to'rtta uydan keyin mehmonxona. Uylar bilan ijara bir necha baravar oshadi.
- 5Imkoniyat, Xazina va qamoq
Imkoniyat va Xazina kartalari pul beradi, oladi yoki boshqa joyga yuboradi. Qamoqdan dubl tashlab, 50 mln to'lab yoki maxsus karta bilan chiqasiz.
- 6Savdo, garov va bankrotlik
O'yinchilar istalgan payt mulk, pul va kartalarni almashishi mumkin. Pul yetmasa, binolarni sotasiz yoki mulkni garovga qo'yasiz. To'lay olmagan bankrot bo'ladi. Oxirgi qolgan yutadi.
Zarlar tayyor, doska ochiq: stol yarating va havolani do'stlaringizga yuboring.
Ko'p beriladigan savollar
Do'stlarim bilan onlayn monopoliya qanday o'ynayman?
«Monopoliya o'ynash» tugmasini bosing, o'yin uzunligini va yurish vaqtini tanlang. Havolani yoki 4 xonali stol kodini do'stlaringizga yuboring: ular havolani ochadi yoki davradosh.uz/join sahifasida kodni kiritadi.
Necha kishi o'ynashi mumkin?
Bir stolda 2 dan 6 kishigacha. Odam yetmasa, bo'sh joylarga kompyuter o'yinchilarni qo'shishingiz mumkin.
O'yin qancha davom etadi?
Klassik o'yin bittadan boshqa hamma bankrot bo'lguncha davom etadi, odatda 1–3 soat. Vaqtingiz kam bo'lsa, 30 daqiqa yoki 1 soatlik o'yinni tanlang: vaqt tugaganda eng boy o'yinchi (pul, mulk va binolar) yutadi.
Savdo qanday qilinadi?
O'yinchilar ro'yxatida kerakli odamning yonidagi «Savdo» tugmasini bosing, nima berishingiz va nima olishingizni (mulk, pul, qamoq kartasi) belgilang. U qabul qilsa, almashuv darhol bo'ladi.
Bu asl Monopoly'mi?
Yo'q, bu klassik qoidalarga asoslangan, lekin O'zbekiston shaharlari bilan qilingan o'zimizning o'yin: Mo'ynoqdan Toshkent Citygacha, so'mda. Ro'yxatdan o'tish shart emas, o'yin bepul va brauzerda ishlaydi.